При инсталирање на Windows 10 и првичното покренување, прашани сте дали сакате да се логирате во системот со вашиот акаунт на Microsoft или пак сакате да се пријавувате во системот офлајн, односно без да креирате или користите акаунт од компанијата. Во случај да сте го одбрале второво, потребно е да одберете три безбедносни прашања, заедно со по еден одговор за секое прашање. Во случај да си ја заборавите лозинката, одговарање на тие три безбедносни прашања ќе ви помогне да влезете во системот.
Но, што доколку ги заборавите и прашањата?
Во тој случај, новата алатката на nirsoft – SecurityQuestionsView ќе ви помогне да ги откриете не само прашањата, туку и одговорите кои сте ги понудиле. SecurityQuestionsView го скенира Windows Registry и нуди листа со сите прашања и понудени одговори.
