Epic Store и понатаму продолжува со нудење бесплатни игри за сите гејмери. Најновата игра на понудата е феноменалната GTA 5, но, и следните 3 игри, никако не би требало да се за потценување.
Според неофицијален и непотврден извор во форма на слајд, крајот на месецот можете да го резервирате за бесплатно втурнување во Civilization VI, Borderlands: The Handsome Collection и Ark Survival Evolved.
21 мај – Civilization VI ќе стане бесплатна. Датумот се поклопува со излегувањето и на New Frontier Pass – сезонска пропусница која ќе ја прошири оваа turn-based стратегија со нови цивилизации и содржини низ целата година.
28 мај – Borderlands: The Handsome Collection е колекција од стотици часови адреналинска акција во постапокалиптично и откачено опкружување. Неверојатно вредност во која се вклучени и Borderlands 2 и Borderlands: The Pre-Sequel
4 јуни – Ark Survival Evolved ќе стане бесплатна. Се работи за интересна и крајно комплексна акциона-авантура со елементи за преживување и напредни можности за градење и создавање оружје и опрема.
Како ви се допаѓаат игрите? Која игра вие би сакале да ја видите за време на распродажбата која ви дава купон од 10 евра за секоја игра над 15 евра?
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
