После скоро две години работа во Samsung, основачот на популарниот Android ROM – CyanogenMod, Стив Кондик, ја напушти својата работна позиција во јужнокорејскиот гигант. Тој на својот Google+ профил вели дека работи само во CyanogenMod и коментираше за Samsung S4.
„Поминав некое квалитетно време со S4 пред да ја напуштам компанијата. Голем љубител сум на S3 и го користам секој ден, а во глобала сум задоволен и од S4. Уредот нема некои промени во индустрискиот дизајн, но уредот е посолиден во однос со Ѕ3. А што се однесува до спецификациите, потполно ја уништува конкуренцијата.“, пишува г. Кондик на Google+.
Причината поради која тој ја напушти компанијата не е позната, исто како и што тој има допринесено во развојот на Android паметните телефони на Samsung. Нивните уреди покажаа некои иновации, но не е познато дали учествувал во некоја од тие. На прашањето зошто го напуштил Samsung, тој даде дипломатски одговор дека не се работи за ништо посебно и дека работата во Samsung била добра. Како и да е, г. Кондик се одлучил да работи на нешто ново.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
