3Д принтањето изгледа ќе го пронајде патот до хобистите, кои или немаат друг начин на создавање на деловите или сакаат да се обидат да репродуцираат некој апарат, играчка, па дури и автомобили. Најновата интересне 3Д креација е „Орнихоптер со ластик“ која е едноставно летало што во најголем дел е составено од 3Д испринтани делови. Леталото е способно да лета неколку минути со кратко затегање на ластикот. Доколку не сакате постојано да го навивате авиончето, произведувачот има модел кој работи на батерии. Речиси сите делови од арматурата до запчаниците се испринтани, а авиончето тежи нецели 3 грама (2.6).
Иако не е импресивно колку автомобилот кој го изработува Иван Сенч од Нов Зеланд, сепак ваквите примери покажуваат дека 3Д принтерите се погодни за хобистите кој работат и на најразлични забавни и понекогаш комплетно луди проекти.
[youtube]f0a6d6yFm7M[/youtube]
