OpenAI и Microsoft за Нова Година добија тужба

Ако крајот на минатата година беше како од соништата за OpenAI и Microsoft и нивната вештачка интелигенција, крајот на оваа година може да го прогласиме за кошмар. Започна со промената на врвот на OpenAI и сагата со отпуштањето и враќањето на Сем Алтман, а ќе заврши со прва тужба од издавач за неовластено користење на текстови за тренирање.

New York Times до Судот во Њујорк поднесе тужба во која тврдат дека OpenAI користел милиони нивни написи за тренинг на своите големи јазични модели. Microsoft ја користел содржината на издавачот за тренирање на моделот зад Microsoft Copilot. Со ова тужените го нарушиле правото на интелектуална сопственост.

Благодарение на големите јазични модели (LLM) кои содржат копии од содржината на Times, GenAI алатките на обвинетите можат да генерираат содржина што ја повторува содржината на Times речиси до точка, креира сумарна содржина, и го имитира стилот на јазикот кој е искористен, како што е прикажано во голем број примери.

New York Times е на трето место по застапеност на содржина на која е трениран GPT. Пред нив се единствено Wikipedia и базата на податоци на патенти на САД. Common Crawl сетот на податоци вклучува 16 милиони уникатни содржини од The Times, од News, Cooking, Wirecutter и Athletic, и над 66 милиони записи од содржина од The Times.

Common Crawl листа на застапеност

Благодарение на ова, ChatGPT, но и Bing Chat може да пренесат цели делови на текстови без грешка ниту во запирка. Дел од овие содржини се достапни единствено за претплатниците, но сега, и за сите кои можат да осмислат „промпт“ со кој ChatGPT ќе ја репродуцира веста. Ова е втора точка вo тужбата во која New York Times ги обвинува Open AI и Microsoft дека прават сериозна штета на квалитетното новинарство.

Практично ChatGPT и Bing Chat оневозможуваат заштита и монетаризација на содржината. Наместо претплата луѓето секогаш ќе можат да посетат било кој од двата асистенти и ќе добијат ама баш исти информации. Ова значително ќе ги намали приходите на New York Times, но и на сите останати новински агенции. Од друга страна моделите на вештачка интелигенција заработуваат одлично од содржина за која не требаа да платат ништо.

споредба на оригинална и генерирана содржина

New York Times последните неколку месеци се обиде да пронајде начин со кое двете компании, Microsoft и OpenAI ќе платат за користењето на нивната содржина. Досега нема никакво решение. Поради ова, Times сега бара да бидат обештетени за нарушување на авторски права и направена штета во висина од милијарди долари.

Издавачот бара OpenAI и Microsoft да ја отстранат целата содржина со која е тренирана вештачката интелигенција. Покрај ова, бараат нивната содржина повеќе да не се користи за тренирање на вештачка интелигенција. Издавачите се поделени кога вештачката интелигенција и LLM се во прашање. Дел од нив како BBC и New York Times го затворија пристапот за „кролерите“ на OpenAI. Други, како Associated Press потпишуваат договори со OpenAI со кои дозволуваат пристап до содржината за тренирање на вештачката интелигенција.

Bing Chat открива премиум содржина на Times

Иако New York Times е прв издавач кој го тужи OpenAI, слични тужби веќе стигнаа на адресата на креаторите на ChatGPT. Група писатели помеѓу кои е и комичарката Сара Силверман во септември поднесоа тужба за користење на нивните дела за тренирање на вештачка интелигенција без дозвола. Иста тужба против OpenAI поднесе уште една група писатели предводена од Џон Гришам и авторот на Game of Thrones Џорџ Р. Р. Мартин.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments