Ако ги погледнете спецификациите и цената тогаш OnePlus One е единствениот Android телефон за кој треба да ви е гајле, пишува BGR за новиот телефон кој работи на модифициран CyanogenMоd. OnePlus, компанија основана од поранешни вработени во Oppo, ќе го продава One за 300 долари за 16GB верзија и за 350 долари за 64GB верзија, што е далеку поевтино од конкурентите. За тие пари добивате убаво дизајниран телефон со 5,5 инчен 1080p дисплеј, заштитен со Gorilla Glass 3; процесор од 2,5Ghz со четири јадра и 3GB RAM; 13 мегапиксели задна камера и 5 мегапиксели предна; со NFC, GPS, GLONASS, но без поддршка за microSD картичка што и не е толку проблем земајќи в обзир дека 64GB се доволно простор за мобилен телефон. Батеријата наводно ќе издржи цел ден користење.
Штотуку помина официјално претставување на OnePlus One, најдобриот Андроид телефон за парите?
Предобро да биде… http://t.co/eaXfkRTV8W
— Андроид Македонија (@AndroidMK) April 23, 2014
Покрај моќните хардверски спецификации што се слични на два пати поскапите Samsung Galaxy S5 и HTC One M8, тоа што го прави OnePlus One уште попопуларен кај фановите на Android, е што работи на минималистички CyanogenMod 11S базиран на Android 4.4 Kitkat. CyanogenMod е мод креиран од заедницата кој дозволува поголема персонализација на Аndroid оперативниот систем, без да имате апликации наметнати од производителите. Со оваа верзија на CyanogenMod ќе биде преставена и гласовно контролирање на телефонот, пример да може да го разбудите, и нова можност да отварате апликации преку заклучен телефон со претходно нацртани движења.
Телефонот ќе се појави наскоро на пазарите ширум светот, во САД, Хонг Конг и во неколку европски земји, но за да го купите ќе треба да бидете поканети првин. Покана може да добиете преку промоции на друштвените профили на OnePlus.
[youtube]KP-5OlHINg0[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
mm looks very nice!