Хрватското студио за изработка на видеоигри Ironwаrd успешно ја заврши својата Kickstarter кампања, собирајќи 60.836 долари oд 1.504 поддржувачи, што е повеќе од 10.000 долари од побаруваната сума за креирање на својата игра The Red Solstice. The Red Solstice e кооперативна игра во која можат да учествуваат осум играчи кои ќе треба да ги искористат своите вештини во борба со суштествата на Марс. Играта е сместена во подалечна иднина, луѓето се преселени на Марс, а играчите се вклучуваат во моментот кога колониите го губат контактот со Тарсис, кој е главен град на новата планета. Целта е да се ослободи Тарсис.
Интересно ова беше втор обид да се финансира играта откако Indiegogo проектот беше неуспешен и собра помалку од 3.000 долари од побараните 10.000. Успехот на Kickstarter, покрај екстензивната промотивна кампања и добрите оценки од неколку гејминг портали како Polygon, Rock Paper Shotgun и Death by Beta се должи и на тоа што овој пат Ironwood имаа речиси готов производ на кој му беше потребно едниствено финалното полирање. Освен ова беше овозможена дополнителна интеракција на дизајнерите на играта и корисниците преку алфа-верзијата на играта која беше достапна за сите.
Играта е најавена за aвгуст 2014 но доколку сте нестрпливи да ја пробате отидете до сајтот на Ironward и преземете го демото кое е веќе достапно.
[youtube]SU9TVA1AVso[/youtube]
