OMG! Facebook е недостапен! Почни да паничиш… сега!

„Ова е многу лоша вест, бидејќи многумина зависат од него во својата секојдневна работа.“

Колку и да Facebook ни го исполнува денот, сепак факт е дека се уште никој од нас 500 милионите корисници не работиме нешто паметно на мрежата. Единственото нешто што би било поврзано со проблем во работата е некоја корпоративна фан страна да не може да објави итно соопштение на мрежата, соопштение кое би го имало на сајт. Сите останати… најголем проблем е што е утната партијата покер или што нема да може да кликнеме Like.

Во моментот Facebook е друштвена мрежа која се гради, не според бројот на корисници туку според функционалност. Мрежата има потенцијал, но во моментот освен исполнување на слободното време не нуди ништо позначајно, ништо што го нема на некој сајт.

Затоа смирете ги страстите, испијте вода и шеќер, се работи за сервис кој како и сите други веб сервиси зависи од инфраструктура која може да падне. Се сеќававте од каде добивавте информации пред Facebook? Како разговаравте со пријателите? Кафуле, парк, прошетка? Можеби сте во затворено тогаш Skype, месинџер? … НЕ! Не ви текнува на тие работи?

…ок, почни со општиот хаос! Фејсмагедон, Фејсбукалипса, или како сакате!

Надополнето: Facebook jа поправи грешката што прави сајтот да биде спор за некои корисници.