Google им даде задача на своите програмери да најдат креативен начин за како да се играат игри на Google Glass. Иако очилата се замислени како хардвер кој ја збогатува реалноста со информации, и се побрз начин на фотографирање и шпионирање, сепак гејмингот никако не треба да се изостави. Игрите се едни од најсимнуваните и најпрофитни апликации за мобилните телефони, и можат да бидат само подобри и подруштвени преку проширената реалност.
Игрите кои Google ги покажа во своето видео се едноставни аркадни игри, и иако можат да бидат забавни, сепак се направени да ги покажат функционалностите на уредот. Со Glass како уникатен уред е променет начинот на играње, па наместо со копчиња се играат со гласовни команди и движење на главата. Можеби ќе изгледате како лудаци кога ќе си зборувате сами на себе, мрдајќи ја главата лево и десно по тениското топче, но што ви е гајле кога имате кул и футуристички очила, нели?
[youtube]9naxeHGIaRY[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
