За следната недела Apple најави настан на кој најверојатно ќе ја претстави следната верзија на iPhone. Најавата за настанот е од минатиот месец, но со поканите до медиумите сега е и официјална.
Без сомневање телефоните нема да бидат единствени на оваа презентација, а освен уреди, Apple презентира и нови верзии на оперативните системи. Со оглед на начинот на кој Apple ги „храни“ медиумите, новиот телефон не е тајна; а веќе се достапни и слики од уредот. Веќе се појавија и првите неофицијални информации за хардверот, но за поточни информации ќе причекаме до следната недела.
Според првите информации iPhone 7 доаѓа со:
- 4.7-инчен дисплеј со резолуција 750х1334
- A10 и M10 процесори
- 2GB LPDDR4 RAM
- 1960 mAh батерија
- и 12 MP, 1/2.6-инчен сензор, F/1.9, 1:3 микрон пиксели
Сличен и хардверот на iPhone 7 Plus:
- 5.5-инчен 1080х1920 екран
- A10 и M10 процесори
- 3GB LPDDR4 RAM
- 2910 mAh батерија
- и идентична камера
Податоците ги сподели Next Web, со интересна напомена дека најголема разлика со претходникот е камерата. Веќе се појавија и првите слики од телефонот, а колку од овие податоци се точни ќе дознаеме наскоро.
Освен телефон, Apple на настаните наесен вообичаено презентира хардвер, па во фокусот би можеле да бидат: нова верзија на часовникот, Macbook, таблет компјутери и слично.
