Microsoft Office за iPad ја дочека првата надоградба со која корисниците ќе добијат можност за принтање од апликацијата, иако сосем валиден аргумент е дека ова требаше да биде присутно уште со издавањето. Барањето за печатење директно од апликациите дојде уште со самото поставување на Microsoft Office во App Store, кога и самите корисници го квалификуваа како најголем недостаток иако ова не беше клучен проблем па корисниците кои за еден викенд го донесоа пакетот на првото место на App Store. Покрај печатењето дел од софтверот има и дополнителни надградби. Така на пример на PowerPoint му е додадена опција ‘Smart Guides’, а на Word ‘auto fit’.
„Она што најмногу го баравте пристигна! Сега можете да печатите Word документи, Excel табели или PowerPoint презентации преку AirPrint печатачот. Во Word за iPad ќе можете да печатите документи со или без маркап. Во Excel ќе може да се избере опсегот на принтање една табела, страна или целиот докуметн“, објави Microsoft на својот блог.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
