Од 1 до 8 септември 2024 во Александрија, Египет, се одржа 36-тата Интернационална олимпијада по информатика (ИОИ 2024). Македонскиот тим, составен од Дамјан Давков од Штип, Благој Рујаноски Стојановски од Прилеп, Виктор Максимоски од Гостивар и Софија Велковска од Скопје, постигна значаен успех и успеа да освои сребрен медал.

Меѓу 370 ученици од 96 земји, Дамјан Давков освои сребрен медал, додека Благој Рујаноски Стојановски доби олимписка пофалница, што дополнително го истакнува успехот на тимот. Дамјан беше блиску и до златниот медал кој „му побегна“ за само 9 од можни 600 поени.

Тимот беше предводен од д-р Миле Јованов и д-р Емил Станков од Факултетот за информатички науки и компјутерско инженерство (ФИНКИ). Учесниците беа избрани преку натпревари организирани од Здружението на информатичарите на Македонија (ЗИМ) кои се одржуваат преку цела година. Најдобрите ученици покажаа високо ниво во програмирање, анализа на проблеми и дизајн на алгоритми.

„Радосен сум од успехот на нашите ученици, кои се вистински амбасадори на нашата земја. Овој успех се должи на интензивна работа на повеќе волонтери вклучени во работата на Здружението, а можноста за учество на натпреварите ни ја дава поддршката од нашите поддржувачи, Факултетот за информатички науки и компјутерско инженерство (ФИНКИ) и неколку општествено одговорни компании како Sorsix, Netcetara, Codecham и Loka.

Со ваков млад тим, ученици кои имаат право и следните години да учествуваат на ИОИ, можеме да очекуваме дека следната година ќе имаме уште поголеми резултати, и уште еднаш ќе испишеме историја за Македонија.“, вели проф. д-р Миле Јованов, Претседател на Здружението на информатичарите на Македонија.

Следната година, олимпијадата ќе се одржи во Боливија, а македонските натпреварувачи без сомневање се надеваат на уште подобри резултати. За нашите информатичари следниот предизвик е Балканската олимпијада по информатика (БОИ), која ќе се одржи во Охрид од 20 до 26 септември. Македонија ќе биде домаќин на учесници од 15 земји, а подготовките се во тек.

Интернационалната олимпијада по информатика (ИОИ 2024) во Египет

ИОИ е еден од водечките меѓународни научни натпревари за ученици, кој се одржува секоја година. На овој натпревар учествуваат одбрани талентирани средношколци од целиот свет, кои натпреварувајќи се ги изоструваат своите информатички вештини, како што се анализа на проблеми, дизајн на алгоритми и податочни структури, програмирање и тестирање.

Годинава, олимпијадата беше организирана од Арапската академија за наука, технологија и поморски транспорт (AASTMT) во соработка со египетските министерства за комуникации, млади и спорт, како и Александриската библиотека.

Добивај известувања

Најава

Извести ме за

нови коментаринови одговори на мои коментари

Label

{} [+]

Name*

Email*

Website

Label

{} [+]

Name*

Email*

Website

1 Коментар

Најнови

Најстари Со највеќе гласови

Inline Feedbacks

View all comments

mile

1 year ago

Браво за учениците и нивните професори, само така продолжете. Ви сте нашата иднина.

0

Reply