Самото намалување на цената на апликациите за iPhone им носи на развивачите во просек по 1.665 отсто повеќе симнувања во рок од пет дена, и поголеми приходи од 159 отсто во недела, пишуваат аналитичарите Distimo во својот најнов извештај за влијанието на промените на цени. За iPad растот во симнувањата е 871 отсто откако ќе се намали цената.
Според Distimo, најголемите промени на цени се меѓу 1 до 3 долари по апликација, и иако најчесто се случуваат кај апликациите за iPad, сепак ефектот на промена на цените е најзабележителен кај App Store for iPhone. Ако растот на симнувањата е огромен по намалувањето, откако ќе се зголеми цената тој раст се намалува за 46 отсто за iPhone апликации во рок од пет дена, односно се намалува 57 отсто за апликациите за iPad.
Тоа што е важно за програмерите кои ги продаваат апликациите е дека намалувањето на цените не само што е не е лоша работа за популарноста на апликациите, туку е профитабилна. Со секое намалување од 1 отсто се забележува пораст на приходи од 1,2 отсто во рок од пет дена. Во тие приходи се вклучени и еднократната цена за симнување и купувањата преку апликациите.
Според истражувањето, ваквите ефекти на намалување на цените важи и за Google Play продавницата за Android апликации. Но, тука промените иако се позитивни и според бројот на симнувања и приходите, сепак не се толку „моќни“ како на App Store.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
