Иако Google уште во март ги претстави редизајнираните профили за YouTube, сепак истите не беа веднаш официјално достапни, туку се бараше од корисниците самите да ги активираат. Но, од 5-ти јуни овој нов дизајн наречен One Channel ќе биде активиран за сите.
Целта кај новиот дизајн е да понуди единствен изглед на каналот на сите уреди. Во воведното видео на каналот корисниците ќе може да се претстават себе си, што ќе објавува на каналот и други детали, давајќи му персонализација на каналот. Интересно е тоа што при изработувањето на новиот дизајн, една од платформите за која се има работено е и телевизијата. Google е свесен дека дека во раст е развојот на паметните телевизори и навреме сака да си ја фати работата и да биде подготвен.
Новост во YouTube профилите е и „cover“ фотографијата која е прилагодена за сите големини на екрани, а доколку пристапувате преку ТВ, истата ќе биде искористена како позадина. Google наведе дека корисниците кои го активирале новиот профил ја зголемиле посетеноста на својот канал за 20 отсто.
[youtube]bRJEmA6P1SQ[/youtube]
