Соработката ја започнаа @jovanatozija и @banekoma, кои го отворија јавниот Docs документ, го споделија концептот и од тука натаму се приклучија десетина корисници кои заеднички споделуваат идеи за како да се креира #protestirame банерот.
„Идејата е да се изработи банер и сите сајтови, портали, весници, телевизии и слично кој што го поддржуваат протестот да го објават банерот, за да се покаже дека не сме само тие 3.000 луѓе што се менуваме секој ден, туку и дека редакции и други граѓани стојат позади нас.“, вели Јована Тозија која го отвори Docs документот.
Да не ве збуни, корисниците се наведени како Anonymous бидејќи треба да се логираат нa Google Profle за да се појави корисничкото име. Интересно е што Docs овозможува ваква опција да буквално секој може да сподели идеја. Од друга страна, ова е прекрасен пример за можностите на „облак“ сервисите.
Идеите сè уште се споделуваат, a банерот може да се очекува вечерва. Eве како од почетокот се одвива соработката преку веб сервисот.
