Објавен е првиот трејлер на The Fifth Estate, иден филм за контроверзниот сајт Wikileaks. Познат по својата oдлична улога на Шерлок Холмс, актерот Бенедикт Кумбербач овојпат ја офарба својата коса бело за да го долови уникатниот изглед на основачот на Wikileaks, Џулијан Асанж. Актерот Даниел Брул ќе го глуми ко-основачот Даниел Домшејт-Берг.
Филмот е направен дел според книгата на г. Домшејт-Берг, „Inside WikiLeaks: My Time with Julian Assange and the World’s Most Dangerous Website“, и според книгата „WikiLeaks: Inside Julian Assange’s War on Secrecy“ на новинарите Дејвид Лејт и Лук Хардинг. Двата наслови ќе ви посочат дека филмот ќе биде повеќе фокусиран на г. Асанж кој сè уште – веќе две години по објавувањето на доверливите димпломатски документи – е заглавен во Амбасадата на Еквадор во Лондон. Доколку ја напушти амбасадата, ќе биде уапсен и екстрадиктиран во Шведска каде ќе му се суди за силување. Г. Асанж јавно го искритикува сценариото велејќи дека е „лага по лага“ и „пропаганда против Wikileaks“. Според трејлерот, се чини дека дејствието на филмот ќе започне од моментот кога Wikileaks ги објави документите за банките во Исланд и видеото „Колатерално убиство“.
[youtube]ZT1wb8_tcYU[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
од reddit: "Movie stars are playing Icelandic members of Parliament. Hackerspaces and tech conferences are being depicted as hip and sexy, as opposed to a lame bastion of neckbeard-culture. Hell, Assange is in a Pirate Bay shirt. IN A DREAMWORKS MOVIE. Confused doesn't even begin to cover it." – http://www.reddit.com/comments/1ify2w/you_cant_ch…
Ха, и мене ме збуни TPB маичката. Не и обрнав внимание веднаш, помислив дека сум видел погрешно кога го гледав трејлерот. Во секој случај ќе биде интересно да се види.
Очекувајте целиот филм да е со изменети факти како што беше Takedown (2000).