Google ќе им се приклучи на Intel, Sony и Apple во обидот да ја префрлат телевизијата на Интернет, велат извори на Wall Street Journal. Според нив, Google веќе го презентира својот продукт, но засега нема навестување дека Google, или било кој од останатите гиганти, успеваат да се договорат со телевизиите за пренос на нивната содржина.
Иако веќе постојат компании како Netflix и Hulu, а и Amazon нуди сопствена програма, сепак Google цели кон пообемен проект кој предвидува префрлање на каналите на Интернет. Аналитичарите предвидуваат дека изборот на канали ќе биде сличен со понудата на сателитите или кабловските телевизии, односнo популарни и помалку популарни канали ќе бидат понудени заедно во исти пакети.
Засега сервисот е само најава, но доколку се реализира голем дел од традиционалните телевизии ќе мора барем да размислат да ја прифатат оваа промена. Се поголем е бројот на жители на САД кои воопшто не гледаат телевизија од класичните оператори, наместо ова се префрлаат на засега релативно скромната интернет понуда, покажува неодамнешната анкета на Nielsen.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
