Најновата петта верзија на Franz е алатка која обединува бројни други алатки и услуги за комуникација и ви дозволува целосна и заедничка интеграција од само една појдовна точка. Тоа значи дека преку алатката Franz добивате пристап до Slack, WhatsApp, WeChat, Messenger, Telegram, Google Hangouts, Skype, Zendesk и многу повеќе!
Од еден интерфејс добивате пристап до еден куп алатки, со што значително се добива на време и се елиминира непотребното скокање од една на друга алатка. Подразбирливо, сите пораки што ги добивате од претходно-интегрираните сервиси, автоматски ви пристигнуваат преку Franz, заедно со напредни можности за прелистување и одговарање на истите.
На располагање имате три верзии на Franz, една бесплатна и две платежни. Бесплатната верзија ви дозволува интеграција на до 3 сервиси од 70 понудени, синхронизација и десктоп известувања секој пат кога ќе добиете порака преку некој од тие три избрани сервиси. 3 евра месечно ви дозволува да поврзете двојно повеќе сервиси, односно шест, како и да активирате поддршка за проверка на правописот. Паралелно со ова, ќе бидат елиминирани сите огласи, како и екрани кои ве принудуваат да чекате одреден временски период.
Последниот столб од 6 евра месечно, дозволува интеграција со неограничен број сервиси, Workspaces, Team Management и многу повеќе – нешто што првенствено би можело да им користи на компании, а не на просечниот корисник. Со купување годишна претплата се активира попуст од 25%, а имате на располагање и пробен период од две недели.
