Копчето Send е друштвен додаток (plugin) кој ја има истата намена како Like – споделување на информации кои му се допаѓаат на корисникот. Разликата помеѓу овие две копчиња е тоа што Send обрнува поголемо внимание на корисничката приватност, односно откако ќе се кликне, информацијата не се објавува директно на ѕидот на корисникот, туку тој може да одбере со кого ќе ја сподели информацијата која му се допаѓа. Facebook потенцира дека Send е наменето за споделување преку помалите групи кои „можат да бидат меѓу помала група пријатели“, но Send може да се искористи и за споделување преку Facebook порака или индивидуален имејл.
Според зборовите на Facebook девелоперите „постојат многу случаи во кои сакаме да споделиме нешто само со одредени луѓе“, а Send копчето е вистинскиот начин да се стори тоа. Тука можете да ги пронајдете кодовите за поставување на Send копчето на вашот сајт.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
