Добра вест за сите љубители на Новогодишите празници и игри. Гоблин поддржани од GG.MK и Anhoch организираат новогодишна забава и турнир.
Се изнаигравме изминатава година, на турнирите од лигата дојдоа преку 100 играчи (!!!), а сега е време сите ние да прославиме со мнооооогу награди и шампионскиот Топ 8 турнир во живо!!!
Настанот ќе се одржи на 24 декември, а поканети се сите! Ова ќе биде прослава со сите нишани: „Грицки, награди, магради, гледање стрим во живо, пиво (само за над 18), миво и што уште не!“, велат од Гоблин.
Истовремено ќе се одигра и шампионскиот Топ 8 турнир во HearthStone. Ова е финале на лигата која се играше во поголем дел од 2017 година. За сите кои нема да можат да присустваат во живо, добра вест, ГГ.МК ќе го стримаат настанот во живо.
Дополнително, сите кои сакаат да поиграат, а не се кваликуваа за финалниот турнир, можат да поиграат Tavern Brawl. Правилата за учество се исти како и досега, сите кои сакаат да играат доаѓаат со лаптоп, таблет или мобилен. Единствена разлика е за учесниците во финалето, кои сега треба да дојдат со 3 дека.
На финалниот турнир во HearthStone ќе учествуваат:
- Иван Џајков
- Марио Цинцаровски
- Никола Карапејевски
- Михаил Таушанов
- Давид Стојановски
- Коста Димовски
- Андреј Иванов
- Бојан Гиговски
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
GG.mk 
M3DS Academy 
