На 4 август се појави веста дека претседателот на Венецуела, Николас Мадуро е цел на атентат. Ова секако немаше да биде никаква вест за технички портал ако за нападот не беше искористен дрон.
Можеби реакцијата на претседателот Мадуро, но и реакциите по нападот во кои веднаш беа нападнати неговите политички противници направија оваа вест да изгледа помалку неверојатно. Дополнително, дури и пожарникарите кои беа присутни на местото изразија сомневање во вистинитоста на приказната за атентат со дрон.
Опасноста од нападот не може да се оцени, ниту пак кој го нарачал нападот. Сепак Bellingcat сподели видео и анализа од настанот на кој се гледа дронот кој експлодира. За жал во видеото не се гледа претседателот и колку е далеку, но секако има дрон кој експлодира.
Vídeo prueba del segundo drone que exploto en el aire sin causar daños colaterales #Sucesos Vídeo cortesía pic.twitter.com/ipWR2sbYvW
— Caracas News 24 🌐 (@CaracasNews24) August 5, 2018
Од видеото е потврдено дека станува за дрон со 6 ротори, што соодветствува на DJI Matrice 600. Ова е прилично скап дрон кој чини оклу 5 000 долари, а за 2, колку што беше објавено дека учествувале во обидот за атентат, би биле потрошени 10 000 долари.
Одговорност за нападот презема релативно непознатата група „National Movement of Soldiers in T-shirts“.
