iPhone не собира аудио податоци од своите корисници, објасни претставник на компанијата до претставници на сенатот. Сенаторите Грег Волде, Марша Блекбурн, Роберт Лата и Грег Харпер се членови на повеќе комисии.
Нивното прашање до Apple, но и до Alphabet (Google) е дали слушањето за „Hey Siri“ или „Okay Google“ може да се злоупотреби за прислушување на корисниците. Дополнително, прашањето требаше да одговори и дали компаниите ги чуваат и снимаат овие податоци.
Apple одговори дека не ги снима своите корисници додека слушаат за „Hey Siri“. Дополнително објаснија дека потребно е дозвола од корисниците за користење на микрофонот, а без оваа дозвола не работи оваа функционалност.
Apple објасни и дека не може баш да знае што сите девелопери работат, но ова не е дозволено и кога ваква апликација веднаш се отстранува од App Store, пренесе Reuters.
„Apple ниту може, ниту мониторира што прават девелоперите со податоците кои ги собираат од корисниците. Дополнително, компанијата не може ниту да го спречи трансферот на овие податоци. Компанијата и не може да обезбеди дека сите девелопери ќе ги почитуваат сопствените правила за приватност или локалните закони“, велат од Apple.
Сè уште нема податоци за одговорот на Google, но од комитетите велат дека двете компании соработуваат со сенатот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
