Intel и AMD ги претставија новите процесори. Дискусијата за кои процесори е попаметно да ги ставите во вашата нова десктоп конфигурација не е започната, но што и да одлучите ќе мора да доаѓа со Windows 10. Постарите оперативни системи Windows 7 и 8 нема да бидат надградувани за новите процесори.
Ниту Kaby Lake на Intel, ниту Zen на AMD нема да ги поддржуваат постарите оперативни системи. Microsoft имаше план истото да го направи и со сега актуелната Skylake линија. Сепак, во последен момент одлучи дека овие процесори ќе останат поддржани, јави ExtremeTech.
Вообичаено транзицијата помеѓу оперативниот систем трае неколку итерации. Windows 7 е веќе седум години стар оперативен систем, а Windows 8 никогаш не ја доби поддршката на корисниците.
Сепак без сомневање ќе остане неофицијалната поддршка за оперативниот систем. Слично како и Windows XP и Windows 7 има голем број на фанови кој ќе сакааат да го користат и понатаму. Поради популарноста без сомневање ќе има доволно ентузијасти кои ќе ги прават потребните промени.
Крајот на поддршката за Windows 7 ќе биде во 2020, кога Microsoft официјално ќе го прекине ажурирањето на овој оперативен систем.
