Нoвиот Exynos процесор на Samsung, на следната генерација Galaxy телефони можеби ќе им донесе слични функционалности како на iPhone X.
Samsung не можеше да го дочека CES и го претстави процесорот една недела пред саемот. Exynos 9810 e базиран на втората генерација на 10 nm FinFET процес. Според перформансите, процесорот најверојатно ќе биде најголем конкурент на Snapdragon 845 и на А11 процесорот на Apple.
Exynos Series 9 – 9810 доаѓа со 8 јадра. Четри со подобри перформасни и 4 поштедливи јадра. Јадрата со подобри перформанси сега достигаат до 2.9 GHz.
Процесорот доаѓа со супер-брз LTE модем, „deep learning“- подобрено процесирање на слики. А, компанијата се надева дека процесорот ќе им овозможи напредок во неколку индустрии; од паметни телефони до автономни возила.
Со помош на процесорот може да бидат обработени 3д модели како креирање на отпечаток на ликот и негово следење во реално време. Процесорот доаѓа со одделен чип за препознавање на лик, ирис и отпечаток на прст.
Пред премногу да се израдувате, Samsung најверојатно повторно ќе има верзии на телефоните со Snapdragon и Exynos процесори.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
