На неколку дена пред Mobile World Congress, Samsung го најави својот нов ARM процесор. Exynos 8895 e првиот 10 nm процесор на компанијата. Засега нема потврда за моделите во кои ќе биде присутен процесорот. Вообичаено Exynos се користи во Galaxy S телефоните.
Иако Samsung не е првата компанија на која помислуваме кога процесорите се во прашање, Exynos серијата е импресивна во high-end уредите на компанијата. Exynos 8895 е осум јадрен процесор. Четири јадра се Cortex А53, а четири Exynos M2. Процесорот доаѓа со Mali G71MP20 графички процесор. Вообичаено во 8 јадрените мобилни процесори, 4 јадра се за работа со поголемо оптоварување, а 4 за помалку тешките процеси.
Новиот графички процесор Mali G71MP20 е навистина импресивен. Поддржува 4K UHD видео на 120 fps, но и 4К резолуција за VR гејминг.
Во споредба со сегашната серија, новата генерација е со 27% подобри перформанси и 40% помала потрошувачка на енергија. Сепак, овие бројки се од првата најава за процесорот, а по најавата нема официјална потврда, јави Anand Tech.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
