Tumblr од секогаш ги охрабрувал своите 180 милиони блогери да бидат креативини и слободни во изразувањето на својот блог, а сега ќе им дозволи да го направат тоа и преку новата мобилна апликација за Android и iOS. Сега блогерите можат да одберат од 3,3-те милијарди теми, бои, стилови и фонтови за да си ја персонализираат мобилната апликација, како што можат да прават и со десктоп верзијата, и да си го најдат својот „мобилен идентитет“.
„Има друштвени мрежи кои ја ограничуваат својата околина и не им дозволуваат на корисниците да се изразат слободно – тие се заглавени во универзален ‘cookie cutter’ дизајн. Но тука, можете да направите што сакате и според најоткачените идеи што вие ќе ги одберете, на било која платформа што ќе ја одберете“, вели креативниот директор на Tumblr, Питер Видани, за Mashable.
Tumblr вели дека потрошената година на усовршување на персонализацијата и можноста да се уредува и најмалиот детал во блоговите, се исплати за платформата бидејќи 50 отсто од посетите доаѓаат од мобилните уреди. Истовремено персонализацијата можеби го оправдува потегот на Yahoo да го купи Tumblr со цел да се покаже како „кул“ компанија пред помладите корисниците.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
