Најновата апликација за iOS на Facebook доаѓа со проблем кој ја цеди батеријата, јави TechCrunch. Процесите на Facebook продолжуваат да работат во позадина, дури и кога Background App Refresh e исклучен, што прави батеријата да се троши побрзо. Ова го потврди и Facebook кој вети дека ги разгледуваат причините за ова однесување на апликацијата и работат на решение кое нема да предизвикува проблеми.
Проблемот не е занемарлив бидејќи само Facebook празни 15 отсто од батеријата, вели Мат Галиган од Circa. „Бидејќи апликациајта не се исклучува кога ќе притиснете на home копчето, продолжува да го празни телефонот. Поради грешка апликацијата продолжува да работии, продолжувајќи го времето двапати“.
Со оглед на тоа дека друштвената мрежа работи на закрпа, апликацијата најверојатно наскоро ќе биде достапна со најновата надоградба, но дотогаш е можеби попаметно да се осигурате дека апликацијата е затворена, или да ја користите мобилната верзија наместо апликацијата доколку батеријата ви се троши пребрзо.
