Таман изгледаше дека паметното возило од Apple нема да видиме никогаш, компанијата дозволи накратко да ѕирнеме во Project Titan. Информацијата дека Apple не работи на сопствено возило е точна, но изгледа дека компанијата има готов прототип.
Првата слика од технологијата на Apple, доаѓа од ко-основачот на Voyage, MacCallister Higgins. За разлика од претходниот пат кога беше забележано возилото за тестирање на Apple, овој пат сè е сместено во компактно пакување на кровот од возилото, вели TechCrunch.
Going to need more than 140 characters to go over 🍎's Project Titan. I call it "The Thing" pic.twitter.com/sLDJd7iYSa
— MacCallister Higgins (@macjshiggins) October 17, 2017
Ова овозможува за разлика од останатите паметни возила, Project Titan да биде помалку интрузивен. Сè што е потребно за управување на возилото е сместено на кровот. Уредот е самостоен и во делот на кровот е сместено баш сè, од сензори до компјутер. Titan доаѓа со 6 LiDAR единци напред и назад.
Ставањето сè на едно место ќе овозможи брза модификација на возилата, без премногу да треба да се чепка во дизајнот и внатрешноста.
I saw one of these a few weeks ago pull up to an Apple shuttle stop-sit there for a few then drove off. pic.twitter.com/gUudZY1TIA
— idiggapple (@idiggapple) October 18, 2017
Неодамна се појавија информации дека Apple повеќе не работи на автономен автомобил. Изгледа дека ова е точно и дека компанијата единствено работи на технологија која ќе овозможи возилата на другите производители да бидат автономни. Секако, нема да биде никакво изненадување ако некоја верзија на iOS се користи за потребите на технологијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
