Во првата година, Genshin Impact успеја да спечали скоро 4 милијарди долари. Ако ова нешто кажува тоа е дека играта е исклучително популарна. Како огромни фанови на играта, особено се изненадивме кога наидувме на NOva Desktop – феноменална алатка за анимирани и статични декстоп позадини.
По инсталирање на алатката , ќе бидете пречекани од Lumi, симпатична девојка која е повеќе од спремна да се вдоми на вашата дектоп позадина. Луми можете да ја облекувате во најразлична облека, како и да ја менувате бојата на позадината во која се наоѓа. Во зависност од вашиот монитор и резолуција, сите анимирани и статични позадини можете да ги преземете во резолуција од 1920х1080 или од 2560 х 1440 пиксели.
Но, доколку сте фанови на игрите на Mihoyo, игри како Genshin Impact, Honkai Impact 3rd, Tears of Themis или Guns GirlZ, тогаш претпоставуваме дека бргу ќе заборавите на Луми и ќе се упатите во одделот featured. Тука, позадините се поделени на анимирани и статични, а имате навистина интересен избор. Особено мило нѝ беше што ја видовме Ху Тао и Жангли, но имате и бројни други ликови. Анимираните позадини се преубави, органски се вклопуваат во вашата дектоп позадина, а можат да бидат пропратени и со инструментална музика од играта. Нормално, секојпат кога ќе пуштите некое видео или песна, музиката автоматски се паузира, а почнува кога го исклучите видеото. Исто така, секојпат кога ќе започнете некоја игра или процес, анимираната позадина замрзнува, како не би се трошеле непотребни ресурси на неа.
Имате бројни опции за прилагодување, како би го направиле искуството онака како што вие навистина сакате.
Покрај апликација за декстоп менување позадини, која е за стим, имате и апликација за менување на позадините на вашиот телефон. Вреди да се спомене дека позадините за телефонот се поразлични од тие за дектоп, но се апсолутно преубави. Дури и да не сте фанови на игрите, шансите се дека ќе бидете импресионирани од зен шаренилото.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
