{mosimage}Chrome е новиот интернет прелистувач на Google. Тој беше објавен денеска (вторник) и може да се симне од официјалната страница www.google.com/chrome. Во секој случај ова е сериозен обид на Google да го предизвика монополот на Internet Explorer на Microsoft, кој според Net Applications, држи 73% од пазарот на интернет прелистувачи на кој зачудувачки Mozilla Firefox држи само 20%, а Safari и Opera ја губат трката, делат 7%.
Овој потег на Google е со цел да ја прошират својата дејност во индустријата на интернет прелистувачи и е одлично планиран. Chrome се објавува неколку недели по објавувањето на новиот Firefox и пред објавувањето на новиот IE 8 од Microsoft. Но исто така потегот е и изненадувачи, бидејќи Google соработува со Mozilla Firefox, со нив потпишаа нов договор за соработка, со кој Google Search е почетната страница, односно таб на Firefox. Договорот ќе трае до 2011.
„Ова ќе значи дека ќе има уште еден интересен прелистувач за корисниците“ – пишува John Lilly, извршниот директор на Mozilla Corporation, на својот блог
– „Мисијата на двете организации е со различна цел и идеологија. А техничката соработка ќе продолжи.“
Chrome ќе биде програм со отворен код, односно бесплатен и ќе биде заснован на WebKit софтверот. Прелистувачот ќе користи и виртуелна JavaScript машина наречена V8, ќе има специјални табови кои се над прозорецот наместо под барот за адресите, ќе има слична опција како Opera, на една страна да се отворат 9 најчесто посетуваните страници… Се за Chrome можете да видите на стрипот кој Google го објави наместо текстуално објаснување за прелистувачот.
„Зошто го стартуваме Google Chrome? Зошто веруваме дека ќе додадеме вредности на корисниците и во исто време ќе помогнеме со иновациите на интернетот“ – пишуваат на официјалниот блог на Google.
Chrome ќе стартува во стандардната бета верзија, верзија од која Google сеуште неможе да ги извлече Gmail, Lively, Docs и останативе нивни апликации.
Наскоро : Рецензија на Google Chrome
