Нов злонамерен софтвер TROJ_FEBUSER.AA ги презема корисничките профили на друштвените мрежи маскирајќи се како екстензија за Google Chrome и Mozilla Firefox. Засега софтверот ги напаѓа единствено корисниците на овие два популарни прелистувачи, додека Internet Explorer, Opera или Safari се безбедни. Црвот најпрво се пријавува како безбедносна надградба на прелистувачите под името F-Secure Security Pack 6.1.0 за Chrome и F-Secure Security Pack 6.1 за Firefox, јавува Trend Micro.
Иако изгледа дека единствена цел на нападот се профилите на Facebook, Trend Micro тврди дека цел на напад се и Twitter и Google+. Откако ќе го преземе идентитетот на корисникот софтверот може да споделува постови, да се зачленува на групи, да покани пријатели да се зачленат на група, да лајкува содржини и фотографии, да разговара со вашите пријатели, да коментира и да ги менува статусите. Се разбира напаѓачот може да споделува линкови до веб страни со злонамерен софтвер.
„Дигиталниот потпис е начин девелоперите и издавачите да докажат дека фајлот кој доаѓа до корисниците доаѓа од нив и доаѓа непроменет. Жртвите мислат дека фајлот кој пристига е легитимен и безбеден. Сè уште е нејасно како потписот е издаден со измама или се користи компромитиран валиден потпис на некоја организација.“, велат безбедносните експерти на Trend Micro кои први го забележаа злонамерниот софтвер.
За да го избегнат овој и слични проблеми корисниците на Google Chrome и Mozilla Firefox треба да ги преземаат екстензиите и додатоците од Chrome Web Store, односно Web Store and Add-ons.
Piece of writing writing is also a fun, if you be familiar with
afterward you can write or else it is difficult to write.