Директорката на Групер, Нина Ангеловска ќе е предложена за нов министер за финансии. Нина Ангеловска е дел од новиот бран на претприемачи кои ја согледаа важноста на новите технологии и дигиталната трговија. Групер е една од првите успешни македонски онлајн компании со кои некако започна и е-трговијата во Македонија. Ангелова на местото Министер за финансии влегува како непартиски кадар. Таа е и претседател на Асоцијацијата за е-трговија на Македонија.
Со изборот на Ангеловска, Македонија ќе добие министер кој првенствено е фокусиран кон модерно претприемништво. Токму искуството како претприемач со Групер, но и познавањето на новите трендови и технологии се најголема придобивка за Министерството. Според најавата, предлогот за избор на Нина Ангеловска денес ќе биде испратен до Собранието.
Поставувањето на Ангеловска е интересна порака и за ИТ-секторот коj имаше поплаки дека претходниот министер нема доволно искуство во овој сектор. Се чини дека со нејзиното поставување конечно ИТ секторот добива свој „претставник“ во владата.
„Ова е време на технологии, вештини, развој на модерното претприемништво и нови бизнис модели, дигитални комуникации и производство. Таму го гледам развојот на земјата. Конечно, ќе вложам максимум во унапредувањето на фискалната транспарентност и домаќинско раководење со парите на граѓаните“, вели Нина Ангеловска во пост на друштвените мрежи.
На местото Министер за финансии доаѓа откако Драган Тевдовски си поднесе оставка, а Антикорупциската комисија донесе одлука дека премиерот не може истовремено да раководи со владата и да биде министер за финансии.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Payten 
