Aналитичарите Nielsen речиси три години го следат Twitter за да ja измерат популарноста на телевизиска емисија преку алгоритми кои ги мерат спомнувањата на Twitter додека трае емисијата. Тwitter се покажа како одличен придружник на телевизијата, бидејќи реакциите и дискусиите се објавуваат во реално време додека трае телевизиската програма. Но, сега во план е во анализата да се додаде и Facebook, a потоа ќе следи и Instagram.
Постови, споменувања и лајкови поврзани со ТВ серии на Facebook ќе бидат броени. Интересно е што нема да бидат броени само јавните активности, туку и објавите на ѕидовите на пријателите. „Развојот на Social Content Ratings ја отсликува определбата на Nielsen за постојано адаптирање на нашиот сервис, за да може да ги реализира потребите на индустријата, како дел надградбата која ќе овозможи мерењето да ги вклучат сите гледачи“, велат од агенцијата.
Дел од гледачите што не се вклучени во анализата на Nielsen не ни поседуваат телевизор, но ако порано ова значеше дека не гледате телевизија, сега може да значи дека корисниците користат интернет и за гледање телевизиска програма. Со оглед на тоа дека последниве неколку години бројот на вакви корисници е во пораст, за да биде релевантен Nielsen мора да пронајде начин да ги избори и овие гледачи, а социјалните мрежи се одлично место за ова.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
