Нета е девојка која знае кул програмерски шеги

За Нета.мк знаеме само дека е стрип кој го цртаат „повеќе луѓе и еден гуру стрип цртаж“. Можеби е само нивен забавен проект, можеби е и некоја ПР или маркетинг кампања. Сеедно. Ќе дознаеме „наскоро“, ни објасни Нета. Но, тоа што е интересно е што овој нов македонски стрип е фантастичен. Нацртан е одлично, и програмерските шеги се навистина кул. Тоа што ни се допаѓа е што Нета, очигледно, е женски лик, а на македонската програмерска сцена и требаат девојки, бидејќи требаат свежи и нови идеи. Можеби Нета ќе ги мотивира девојките да се заинтересираат за професија доминирана од машки гикови? За повеќе стрипови, посетете го сајтот.