Netcetera 
Нета, девојката што знае кул програмерски шеги, е сепак креирана за ПР цели, иако тоа нема да го земеме како зло бидејќи стрипот е фантастичен. Нета ја црта гуру стрип-цртачот Здравко Гиров, а зад целата идеја стои Netcetera и NewMoment. Вработените кои ја креираа Нета како „забавен проект“ ни објаснија дека целта им е да креираат забавен македонски стрип „кој е креиран тука и го покрива ИТ светот во кој живееме“. Со Нета, која објавува нова епизода секој петок, сакаат да ги поттикнат студентити, и пред се девојките, да се вклучат во ИТ индустријата.
Нета е креирана со идеја да биде „уникатен стрип, не е копиран од Интернет, се обидуваме за шегите да бидат што е можно пооригинални и да ја отсликуваат нашата секојдневна работа и да ги насмееме сите што работат во областа на информациските технологии. Би сакале со стрипот да ги охрабриме студентите да избираат инженерски факултети, особено да ги охрабриме и девојките кои навистина треба да се гордеат со своите успеси во избраната инженерска професија“, велат од Netcetera.
Но, програмерката Нета има и алтер-его. Тоа е маркетинг девојката Нета која ќе промовира ИТ настани или други случувања. Пример за тоа е стрипот за CodeFu натпреварот во програмирање, организиран од Netcetera. Но, од компанијата ветуваат дека Нета сепак ќе си остане верна на своите програмерски шеги и ќе биде користена за промоции само кога треба да се охрабрат другите да ги покажат своите ИТ вештини.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Web Factory 
