SoundGecko е сервис за мултитаскери. За тие Android, Windows Phone и iOS корисници кои немаат време да ги дочитаат вестите кои ги интересираaт бидејќи имаат друга работа, возат, готват или се зафатени со обврски кои не им дозволуваат да читаат од екранот.
SoundGecko e мобилна апликација која го претвара текстот во говор, и која ви ги чита најновите вести од светската политика, технологијата, бизнисот и другите интереси. Тоа што е добро кај SoundGecko е што не мора да одбирате од партнерските медиуми, туку може да си додадете ваша содржина од било кој сајт. Тоа што е лошо е што мора да биде на англиски. Сервисот има букмарклет за Chrome со кој додавате свои вести на апликацијата (или и ги испраќате преку имејл) кои подоцна може да ви бидат прочитани – на женски или машки глас – додека шетате или правите нешто по дома. Технологијата лесно ги препознава сите зборови во текстот, единствено што може да биде проблем е што понекогаш ги чита и насловите на фотографиите во текстот, или дополнителните белешки.
Се работи за одличен сервис, па разбирливо е што не е комплетно бесплатен. Ако го користите без да платите ќе имате ограничувања на 30 додадени текстови на ден. Текстовите имаат максимално ограничување од 4.000 зборови, а ако сакате повеќе ќе треба да се претплатите за 3 долари месечно.
[youtube]5n_sJ9rKyGg[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Апликацијава за андроид е бесплатна :D