Дисплеите кои се користат за рекламирање, најчесто се направени од диоди, светилки или во случај на фудбалските стадиони ленти кои ротираат. Новиот систем на Breakfast, Flip-Disc, користи дискови кои ротираат и со тоа е овозможена подобра резолуција. Екранот се прави од модуларни елементи што значи дека не е ограничен со димензиите. Секој од елементите доаѓа со различна боја, што можеби и не е клучно во овој случај.
Сепак Flip-Disc овозможува доволна резолуција за екраните да ги направи далеку поинтересни. Сликата може да се контролира преку апликација за паметен телефон. Најверојатно најинтересниот дел е 3д-камерата која овозможува супер интеракција со минувачите.
