Star Trek фанатиците ја добија уникатната можност да научат клигонски и да ги импресионираат девојките на вистински начин. Или само да научат клигонски.
Интерактивната алатка за ефикасно учење јазици, Duolingo, стана побогата за уште еден јазик и доколку отсекогаш сте сакале да го совладате јазикот на ратоборната вонземна раса сега навистина немате изговор, што, во одредени ситуации, и те како знае да биде корисно.
Бесплатниот сервис Duolingo им нуди на заинтересираните целосен онлајн курс и уште пред самото излегување имаше над 170.000 заинтересирани Star Trek фанови.
Курсот Learn to Speak Klingon е развиен од бројни доброволци и ентузијасти и е осмислен преку различни игри и активности, на сличен начин како Esperanto или High Valyrian – еден од јазиците кој се зборува во Game of Thrones.
Моментно, учењето е овозможено преку официјалниот сајт, но се работи на iOS и Android апликација.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
