SLR Camera Simulator е одлична алатка за да научите каква функција има експозицијата, каква блендата и какво светло ви е потребно за да направите добра фотографија.
Симулаторот, кој е достапен на веб и за Windows, Mac и iOS, е неверојатно корисен бидејќи освен што ви овозможува да одберете околина со одредено светло, има и две помошни опции за автоматско подесување на експозицијата и блендата. Има и мануелно одбирање на двете функционалности на апаратот за да може сами да се обидете да направите добра фотографија.
Во симулаторот ќе најдете и кратко објаснување на се што значат тие опции, што прават и што е потребно да знаете за да научите да фотографирате. За жал сето тоа е напишано на англиски, но доволно е да знаете дека блендата (Aperture) е колку е отворен сензорот и е обратно пропорционална, односно помала бројка значи поголемо изложување, додека експозицијата (Shutter) го одредува времето колку сензорот е изложен на светло. Сепак, бројките се универзални на секој апарат, па со доволно вежбање ќе научите што е потребно за сликање преку ден или во просторија со лошо светло.
[youtube]Q5hSiRR5hfo[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Интересно и корисно. Фала.