InPlayer 
На 6 декември, во ресторанот МКЦ во Скопје ќе се одржи првиот Intech Meetup, настан наменет за сите девелопери и луѓе заинтересирани во сферата на развој на софтвер. Темите на првиот Intech Meetup се микро-сервиси, интерпланетарен фајл систем и Formula E.
На дво-часовниот настан, говорници ќе бидат:
- Деклан Колфилд, генерален партнер на компанијата Andurance Ventures LLP, кој има повеќе од 20 годишно искуство во ИТ индустирјата. Г. Клауфилд е сериски претприемач со богато искуство и познавање на технологијата. Инжинерските и коорпоративните позиции ги има стекнато во Intel, Apple, Bertelsmann, BBC, RTE и Universum.
- Филип Димчевски, потпретседател на инжинерскиот сектор во InPlayer, кој воедно е и поранешен про гејмер. Неговата професионална позадина вклучува неколку меѓународни е-спорт настани и светски првенства во Counter Strike 1.6 Неговите специјалности се иновативно софтверско инжинерство со големо искуство во делот за монетизација на дигитална содржина и развивање на софтверски решенија.
- Филип Николовски, софтверски инжинер исто така вработен во InPlayer. Во последната година од своите студии на ФИНКИ, започнува со пракса во компанијата, а веќе две години е дел од компанијата. Интереси му се нови технологии, програмски јазици и автоматизирање на таскови.
Настанот е поддржан од британската компанија InPlayer која има свое претставништво во Скопје. InTech Meetup ќе се одржи на 6 декември, со почеток од 18.00 часот во ресторанот МКЦ во Скопје, а регистрацијата за настанот е бесплатна и се одвива преку следниов линк.
За повеќе информации, следете го настанот преку неговите друштвени профили на Facebook, Twitter или преку #intechmeetup хаштагот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
GG.mk 
A1 Македонија 
