Web Factory 
Презентациите на најголемите настани за мобилната технологија и овој пат нема да помине без дружба во канцелариите на Web Factory. Досега групно гледање од страна на оваа компанија беше организирано за неколку настани, помеѓу кои беа претходната: WWDC, Apple презентација и Google I/O.
„Доколку сте вратени од годишните одмори и секако сте се одмориле, Ве покануваме заедно да го проследиме во живо еден од поголемите настани на Apple годинава. Поканата како и секогаш е од отворен карактер за сите оние кои што се заинтересирани да откријат како Apple го ре-измислиле влезот за слушалки и како новиот iPhone е потполно различен (но целосно ист како претходниот) и налик на ништо што сте виделе претходно :)“ велат од Web Factory.
Настаните се можност на исто место да се сретнат луѓе со слични интереси и одлична можност за дружење. Настанот започнува во 18:00 со запознавање, презентацијата на Apple е најавена за 19:00, потоа следи дискусија за новите продукти. Настанот на Apple ќе се одржи на 7. септември.
Единствено ограничување е бројот на места кои се достапни во канцеларијата. Сите заинтересирани би требало да го најават своето присуство порано.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
