Tesla Model S во моментов е најпопуларниот електричен автомобил со мотор дизајниран според патент на Никола Тесла, кој е далеку помал од вообичаените мотори на автомобили; и e дизајниран за иднината со два екрани на допир за контрола на возилото, кое се стартува со iPhone апликација и, благодарение на електричниот мотор, е скоро бесшумно. Model S има релативно прикладна цена за ваквиот вид на возила, која почнува од 65.000 евра. Но, и покрај сите овие интересни детали, тоа што го прави Tesla Model S најдобро електрично возило е што покажува дека електричните мотори можат да поминат неколку стотици километри без полнење, и најважно од се, демонстрира дека може да се живее без нафта.

Иако САД е преплавен со електрични полначи за овие возила, често инсталирани од Tesla Motors, за жал на Балканот тие се уште се реткост. Г. Цветојевиќ мораше да го испланира патот со полначите на ум за да ги пројде илјадниците километри од Хрватска до Скопје. Според него, иако нема полначи, со малку снаодливост тоа воопшто нема да биде проблем, а Tesla Model S „теоретски“ ќе може да ги помине 400-те километри од Белград до Скопје.