Наскоро ќе стартува LetsFundIt.mk, прв македонски краудфандинг сервис

LetsFundit.mk e прв македонски краудфандинг сервис, кој ќе функционира налик на познатите Kickstarter или Indiegogo, со разликата што ќе се фокусира на локални проекти. Македонските корисници ќе може да инвестираат пари во разни проектите кои им се допаѓаат со цел да мотивираат локалното претприемништво. Како и со другите вакви сервиси, кои стануваат се попопуларни, доколку проектите не се реализираат, на корисниците ќе им бидат вратени парите. Сервисот официјано ќе биде претставен на 25-ти јануари.

LetsFundit.mk стартува како еден од 50-те победнички стартапи на Engagement Innovation Funds на кој учествуваа над 600 проекти од 180 земји. Зад сервисот стои USA Summer Work & Travel Алумни Македонија (SWT Алумни), кои се непрофитна организација направена од студенти по иницијатива на Американскиот стејт департмент, и е прва ваква организација во светот. Целта на организацијата е да им понудат на младите да ги развијат своите вештини и знаење.

„Let’s fund it има за цел да постави нова димензија на претприемништвото во Македонија“, велат од организацијата. „Можеби се прашувате зашто е потребна crowd-funding платформа во Македонија кога веќе постојат успешни сајтови од овој вид во светот. Одговорот е едноставен, мотивацијата на вложувачите е многу поголема кога ќе видат проект кој директно ги засега нив нивното окружување. Локалниот crowd-funding е поуспешен бидејќи ги обеднува луѓето да си помогнат едни на други особено за мали средини како Македонија“.

(Kickstarter е водечки краудфундинг проект кој вели дека во 2013-тa година 3 милиони луѓе вложиле 480 милиони долари на проектите)

SWT вели дека направиле истражување кое покажува дека дури 84 oтсто од корисниците се изјасниле дека ќе поддржат некој краудфандинг проект. Но, истовремено се очекува и креаторите на проектот да ги реализираат своите идеи. Краудфандинг сервисите функционираат на таков начин што корисниците вложуваат пари во проект, но доколку тој не се реализира според плановите, ќе треба да им ги врати средствата на инвеститорите, т.е. корисниците.

„Собраните средства собрани преку секоја crowd-funding кампања ќе бидат безбедно собирани на наша банкарска сметка. Во моментот кога проектот ќе ја достигне бараната сума краторот на проектот и SWTA потпишуваат договор за намеснки грант. Договорот меѓудругот ќе ги уреди временските рамки за реализација на проектот. Одговорноста за реализација на проектот ја сноси креаторот којшто ќе биде должен да даде извештај за реализација на проектот.“.

Добивај известувања
Извести ме за
guest
1 Коментар
Најнови
Најстари Со највеќе гласови
Inline Feedbacks
View all comments
Mile Stojkoski
Mile Stojkoski
8 years ago

Миле Стојкоски

Честитки за Вашата иницијатива и прифаќањето на проектот од Engagement Innovation Funds…
Ова би значело квалитетно и наменско собирање на донации, по предложен проект, за негово целосно реализирање.

Мило ќе ни биде на сите нас, што имаме некои предлог-проекти, да Ви ги иницираме за можна реализација.

Мојот конкретен предлог-проект е – ЦЕНТРИ ЗА РЕХАБИЛИТАЦИЈА, кои можат да бидат и од регионален карактер. Вакви центри за рехабилитација, како што сакаме да предложиме, нема во цел Балкански регион ( нема во 10 Балкански држави ).

До колку правилно сум ја разбрал Вашата иницијатива, мило ќе ми биде и да соработуваме.

Со среќа и успех во иднина…