Нашиот главен град повторно ќе биде домаќин на еден од најзначајните настани за електронски спорт и дигитална култура во земјава. A1 Македонија, во соработка со продукцијата GG.MK, го најавија одржувањето на „A1 Game Fest 2025 powered by Neptun“. Осмото по ред издание на фестивалот ќе се реализира на 22 и 23 ноември во просториите на трговскиот центар „Ист Гејт Мол“.
Овогодинешната програма на фестивалот става фокус на натпреварувачкиот гејминг, опфаќајќи турнири во неколку актуелни наслови. Посетителите и натпреварувачите ќе имаат можност да ги следат финалните дуели во League of Legends, Fortnite (во партнерство со Samsung), борбената игра Tekken 8, како и најновата фудбалска симулација EA SPORTS FC 26.
Покрај официјалните натпревари, настанот нуди и проширена содржина за пошироката публика. За љубителите на класичните игри е предвидено „ретро катче“, додека фановите на аналогната забава ќе имаат свој простор за друштвени игри во соработка со „Гоблин“, како и секција посветена на стратешката игра Warhammer 40K. Дел од програмата вклучува и симулации на возење во „Driver Quarters“, позиционирани пред изложбениот салон на Нептун.
Организаторите најавуваат и активна вклученост на заедницата преку натпревар за cosplay поддржан од HBO Max, кој ќе биде проследен со професионална фотосесија за учесниците. За следење на атмосферата во живо ќе се погрижат екипите на „Дебели Гикови“ и „GG.MK“ преку своите поткасти, а публиката ќе има можност и директно да се испроба во „1 на 1“ дуели во League of Legends против професионални играчи.
И оваа година фестивалот ја вклучува компонентата за општествена одговорност преку програмата „Гејмај одговорно“, која има за цел да сподели препораки и да едуцира за балансиран пристап кон видеоигрите, како за играчите, така и за родителите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
