SMART или Self-Monitoring Analysis and Reporting Technology е нешто што го поседуваат сите модерни хард дискови. Замислено да им помага за надгледување и известување за сите можни проблеми, SMART е корисна технологија, но, за повеќето, неразбирлива и потешка за пристапување. Clear Disk Info ја зема оваа листа од бројки од вашиот хард диск и ја сервира на јасен начин. Притоа, се посветува посебно внимание да се истакнат сите оние податоци кои се вредни за вашето внимание.
Преносливата апликација Clear Disk Info можете да ја преземете од тука. По нејзиното вклучување ќе добиете увид во сите внатрешни и екстерни хард дискови од левата страна. За секој хард диск, инстатно добивате информации за тоа која е температурата, колку часови работел, и дали има некои проблеми. Детални информации наоѓате во Disk Information.
Плаво кругче означува податок од информативен карактер, жолт тријаголник алудира на нешто што е важно, а црвен тријаголник на нешто критично. Доколку кликнете на трите линии, кои се наоѓаат во десниот, горен агол, доаѓате до менито преку кое можете да ја освежите листата, да го надополните софтверот, да покренете chkdsk или defrag команди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
