Индискиот град Мумбај забрани селфи фотографии во 16 зони на градот откако 18 годишна девојка загина додека се фотографираше. Помеѓу забранетите места се дел од најпопуларните локации, како Marine Drive и плажата Girgaum Chowpatty, јави BBC. „Полицијата сега ќе може да влезе во овие општини и да превенира несреќи предизвикани додека минувачи се сликаат на овие локации. Општините можат и самите да распоредат чувари и да распоредат знаци за предупредување“, вели Џананџај Кулкарни, портпарол на полицијата.
Од 2014 година незгодите поради селфи во Индија се одговорни за 49 загинати и со оваа бројка се сопственици на неславен рекорд. Властите во Мумбаи не го забранија само фотографирањето на овие локации, туку и шетањето. Казната од 16 евра за поголем број на туристи е симболична, но барем е предупредување за опасноста која го очекува минувачот. Најголем дел од забранетите области се наоѓаат во близина на неоградениот брег.
Настанот беше повод за BBC да создаде листа на најопасни локации на кој корисниците се повредуваат додека се фотографираат. На листата се Таџ Махал, некои кули за набљудување кои се поправаат, па и селфи во близина на мечки.
