Lenovo ги претстави првите модуларни телефони од Moto Z и Moto Z Force, а овие телефони можат да бидат прототип за успешен модуларен телефон, вели The Next Web.
Двата уреди се со стандарден хардвер за flagship уред: екранот е 5.5-инчен QHD AMOLED, прекриен си заштита од вода, Snapdragon 820 процесор и Adreno 530 графички процесор, 4GB RAM и 32/64GB слободен простор. Телефоните доаѓаат и со читач на отпечатоци, 13 или 21 МР камера, NFC и USB-C.
Сепак овие спецификации не се она што е карактеристично за овој телефон. Еден од додатоците е заден поклопец кој е и дополнителна батерија за уредот. Друг додаток доаѓа од JBL и очекувано станува збор за звучник. Звучникот го прави телефонот многу подебел, но целиот слободен простор околу звучникот е исполнет со батерија, па модулот го зголeмува капацитетот на батеријата за 1000 mAh. Insta-share Projector е друг модул кој како што кажува и името го претвора телефонот во проектор со резолуција 480p, ова е сосем доволно за гледање филмови, вели Напиер Лопез од The Next Web.
Телефонот доаѓа со Android 6.0.1 и речиси без дополнителни апликации, иако дел од провајдерите ќе го наполнат телефонот со дополнителни апликации. Цената на уредот ќе биде околу 300 долари, прогнозира Phone Arena.
