Microsoft ќе продолжи да продава и произведува Android телефони јавува BGR. Компанијата не само што ќе ја продолжи Nokia X серијата, туку ќе продолжи со развој на Android телефони кои ќе се произведуваат паралелно со Windows Phone.
Според информациите до кој дојде BGR, Microsoft веќе ја развива следната генерација на Android телефони за која единствен познат податок е дека ќе доаѓа со физичко Home-копче. Покрај ова познато е и дека новите телефони ќе ја заменат сегашната Nokia X серија. Останува да видиме дали новата генерација на Android телефони од Microsoft ќе дојдат со поддршка за Google Play.
Најверојатно Microsoft ќе продолжи со популаризирање на своите услуги на Android, па за очекување е Gmail, Google Search, Google Maps и сличните апликации да бидат заменети со Outlook, Bing и Nokia Maps. Според најавите и покрај тоа што станува збор за поевтини телефони, цената сепак ќе биде нешто повисока од Nokia Lumia телефоните.
[youtube]oUCEN-XvC7g[/youtube]