Microsoft го стартува најновиот Office 2013 со надеж дека ќе се префрлиме на облакот

во Софтвер

Времето кога купуваме софтвер на CD-а e завршено, потврди Microsoft со претставувањето на својот нов Office кој наместо од DVD-ја, ќе се симнува дигитално. Популарниот софтвер кој се користи од една милијарда луѓе, ќе може да се купи на 162 пазари заедно со претплата за онлајн верзијата Office 365 која е наменета да ја задржи конкурентноста пред веб едиторите како Google Docs или Zoho Docs.

Препорачаниот пакет од Microsoft е Office 365 Home Edition за кој се плажа 100 долари годишна претлата, а имате пристап до онлајн верзијата на популарниот софтер и можност да го симнете Office 2013 на пет десткоп компјутери, Mac или PC-ja, кој ги содржи Word, Excell, PowerPoints, Outlook, Access, ОneNote и Publisher. Пакетот ќе има и 20 GB простор на веб складиштето SkyDrive и 60 бесплатни минути разговор месечно на Skype. Дополнително Microsoft ќе обезбеди бесплатни надоградби на софтверот. Секако дека има можност да го купите пакетот во готово, без претплата, и интересно ќе добиете физички пакет, но внатре ќе само код за симнување од веб. Цената за Office Home кој вклучува само Word, Excell, PowerPoints и One Note, е 140 долари. Office Professional 2013 со вклучен пристап до Office 365 ќе ве чини 400 долари. Но, вака купениот софтвер има лиценца за само еден компјутер.

[youtube]vG-BbiH6wSE[/youtube]

Како што може да процените, претплатите се побогата понуда, но и треба да бидат бидејќи Microsoft сака да ги натера корисниците и бизнисите да се префрлат на веб каде софтверот станува се покомплетен. Претплатите за компанијата се една од можностите да им го задржат вниманието на корисниците на нивниот софтвер. Office генерира 24 милијарди долари годишно, или една третина од вкупниот приход на Microsoft доаѓа од софтверскиот пакет, и како популарна алатка ќе може да го промовира и новиот Windows 8 кој се инсталира и на десктоп и на таблет компјутерите.

Клучот за успехот на најновиот Office e секако веб складиштет SkyDrive. Веб складиштата станаа неопходна алатка за брзо префрлување на фајлови и нивен пристап од било кој компјутер. Пример, отворете документ oд Skydrive, сега во Office има можност да снимате и отварате фајлови директно oд облакот, споделете го со колегите да го едитираат документот и да го снимат пак во SkyDrive, и вие без врска каде и да сте ќе имате пристап до тој документ, подготвен за печатење, споделување или уште едитирање. Во моментов нема Office за мобилни, но има поединечни мобилни апликации како Word и PowerPoint со кои може да се гледаат и едитираат документите.

Office 365 е алатката која ќе го префрли Microsoft на облакот, каде ќе може да се креира целосна софтверска платформа со пристап од било кој Windows 8 компјутер или Windows Phone мобилен телефон. Ова е храбар чекор за Microsoft, но и неопходен ако се погледне конкуренцијата која го прави истото.

Добивај известувања
Извести ме за
guest
0 Коментари
Inline Feedbacks
View all comments