Microsoft ја објави најновата верзија на развојната алатка, Visual Studio 2015. Заедно со Visual Studio 2015 за преземање е достапен и .NET 4.6, јави Microsoft на својот блог. „Заедно со Visual Studio 2015 и .NET 4.6 доаѓаат и финалните верзии на C# 6 и Висуал Басиц 14. Со повеќе нови додатоци во јазикот кои го симплифицираат програмирањето, новите верзии на C# и VB.NET се голем исчекор за продуктивноста на .NET развивачите“, вели Microsoft.
Новата верзија овозможува креирање на најразлични апликации пример iOS и Android, а тука се и можностите за развој за веб, десктоп и облакот. Компанијата објави дека Visual Studio и .NET имаа повеќе од 100 нови функционалности. Заедно со веста за достапноста за преземање, Microsoft објави и неколку бројки околу бројот на корисници кои ги има платформата. Visual Studio Online има над 3,2 милиони регистрирани корисници, а само во последните три месеци Visual Studio Code е преземен 500.000 пати, повеќе од половината од овие преземања се од Mac и Linux. Kонечно Visual Studio Community, бесплатната верзија на софтверот, е преземена 5 милиони пати во последните седум месеци.
Дел од подобрувањата доаѓаат во едиторот, па девелоперите кои користат C# или Visual Basic на располагање ќе имаат нова алатка која овозможува анализа на кодот и проактивно ќе нуди поправки и предупредување за развивачите. Алатката доаѓа со нов XAML едитор со куп функции кои овозможуваат едноставна и брза навигација низ кодот. Visual Studio 2015 доаѓа со подобра поддршка и за C++ 11/14/17, TypeScript 1.5, F# 4.0, алатки за Python и десетина други јазици. Покрај бесплатната Community верзија достапни се и Pro и Ultimate верзии на софтверот кои чинат од 800 до 4.250 за обнова, односно 1.200 до 13.300 за нова верзија на пакетите.
Минимална верзија на Windows оперативниот систем која е потребна за инсталација на Visual Studio 2015 е Windows 8.1.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
